LABİLEKS (inyeksiya) - LABILEX

(III nəsil sefalosporin)

Dərman vasitəsinin istifadəsi üzrə təlimat (xəstələr üçün)

 

1 flakonun tərkibi:

  • Seftriakson (natrium duzu) 500 mq və 1000 mq
  • Həlledici (əzələdaxili inyeksiya üçün):
  • Lidokain hidroxlorid 1%  - 2 ml və 3,5 ml

 

Farmakoloji xüsusiyyətləri:
Farmakodinamika: Labilex yarımsintetik, geniş təsir spektrli, uzun müddətli təsirə malik antibiotikdir. Hüceyrə membranının  sintezini inhibə edərək bakterisid təsir göstərir. Seftriakson qram müsbət və qram mənfi bakteriyaların betalaktamaza, penisillinaza, sefalosporinaza fermentlərinə qarşı yüksək davamlılığa malikdir. Təcrübədə aşağıdakı mikroorqanizmlərə qarşı yüksək həssaslıq göstərir:
Qram mənfi aeroblar: Enterobacter aerogenes, Enterobacter cloacae, E. coli, H. influenzae (ampisillinə davamlı ştamlar da daxil olmaqla), Klebsiella spp., N. meningitidis, P. mirabilis, P. vulgaris, Morganella morganii, S. marcescens,  Ps. aeruginosa.

Qram müsbət aeroblar: Staph. aureus, Staph. epidermidis, Str. pyogenes (A qrup beta-hemolitik), Str. agalactiae (B qrup streptokokklar), Str. pneumoniae. Qeyd: metisillinə rezistent stafilokokklar bütün sefalosporinlərə, o cümlədən seftriaksona qarşı da davamlıdır. Anaeroblar: Bacteroides spp., Clostridium spp. (lakin CI. difficile ştamlarının çoxu rezistentdir)

Farmakokinetika:
Sorulması: Əzələ daxilinə birdəfəlik yeridildikdən sonra 100% sorulur, 2-3 saat sonra plazmada maksimum konsentrasiya toplayır, 1qr preparat təqribən 81 mq/l təşkil edir. Paylanması: Seftriakson plazma zülalları ilə qeyri-sabit birləşmələr əmələ gətirir. Əksər qram müsbət bakteriyaların fəaliyyətini ləngidən dozalarda beyin qabığında, irin mayesində, sinovial, prostat, plevra mayelərində təsadüf edilir. Seftriakson həmçinin suluq və peritoneal mayeyə, sümük, əzələ, salpingeal toxumalara da nüfuz edir. Yarımatılma dövrü 8 saatdır.

Metabolizm: Labilex sistem metabolizminə uğramır, amma bağırsaq mikroflorasının təsiri altında qeyri-aktiv metabolitə çevrilir.

Xaric olunması: Əsasən (40-60%) sidiklə, bir hissəsi isə (11-65%) ödlə xaric olur.

 

İstifadəsinə göstərişlər:

  • Yuxarı və aşağı tənəffüs yollarının infeksion xəstəlikləri: sinusit, otit, xəstəxanadankənar və nozokomial pnevmoniya, AXOX-un kəskinləşməsi
  • Qarın boşluğu orqanlarının infeksion xəstəlikləri: peritonit, öd yolları və mədə-bağırsaq traktının infeksiyaları
  • Sidikçıxarıcı yolların infeksion xəstəlikləri: kəskin pielonefrit, sistit
  • Dəri və yumşaq toxumanın infeksiyaları, irinli yara və yanıq infeksiyaları
  • Kiçik çanaq orqanlarının iltihabi xəstəlikləri (qonoreya daxil olmaqla)
  • Sümük və oynaq infeksiyaları (osteomielit daxil olmaqla)
  • Bakterial endokardit
  • Cərrahi infeksiyaların profilaktikası məqsədilə (əməliyyatdan əvvəl və sonra)

 

Əks-göstərişlər: Penisillinə və sefalosporinlərə qarşı yüksək həssaslığı olanlarda xüsusi həkim göstərişi və həkim nəzarəti altında istifadə olunmalıdır.

Diqqət: Laktasiya zamanı, vaxtından əvvəl və yenidoğulmuş uşaqlarda hiperbilirubinemiya zamanı xüsusi həkim göstərişi və həkim nəzarəti altında istifadə olunmalıdır.

 

Hamiləlik və laktasiya zamanı:
Hamiləlik: Seftriakson plasentar baryeri aşır. Qadınlarda hamiləlik zamanı istifadəsinin təhlükəsizliyi təyin olunmayıb. Kliniki tədqiqatlarda preparatın embriotoksik, fetotoksik, teratogen təsiri müəyyən olunmayıb.
Laktasiya zamanı: Kiçik dozada ana südünə keçir, ona görə laktasiya zamanı xüsusi həkim göstərişi və həkim nəzarəti altında istifadə olunmalıdır.

Dərmanlarla qarşılıqlı təsiri:
Seftriakson diuretik preparatlarla kombinə terapiya zamanı  diuretik preparatların (furosemid) təsirini artıra bilər. Xloramfenikol ilə kombinə terapiya zamanı antaqonist təsir müşahidə olunur.

Əlavə təsirləri:
Allergiya əlamətləri: Nadir hallarda dəri səpgisi.
Mədə bağırsaq pozğunluqları (2% hallarda): ürəkbulanma, qusma, ishal.
İnyeksiya yerində ağrı, iltihab və flebit dozanın artırılması zamanı müşahidə olunur.

 

İstifadə qaydası və dozası:

  • Labilex əzələdaxili, venadaxili və ya perfuziya şəklində təyin olunur.
  • Standart rejim dozası:
  • Böyüklər və 12 yaşından böyük uşaqlar: 1 q gündə 1 dəfə təyin olunur.
  • Ağır infeksion xəstəliklər zamanı sutkalıq doza 4 q-a çatdırılır. Müalicə müddəti xəstəliyin dərəcəsindən asılıdır. Antibiotikoterapiya törədicinin eradikasiyası və temperatur göstəriciləri normala düşəndən 48-72 saat sonra da davam etdirilir.
  • Cərrahi infeksiyaların profilaktikası məqsədilə - Cərrahi əməliyyatdan 30-90 dəqiqə əvvəl 1-2 q Labilex əzələ daxilinə və ya vena daxilinə inyeksiya şəklində təyin olunur.
  • Yenidoğulmuş uşaqlarda (14 günədək): 20-50 mq/kq doza sutka ərzində təyin olunur.
  • Yenidoğulmuş uşaqlar (15 gündən yuxarı) və 12 yaşına qədər olan uşaqlar:  20-80 mq/kq doza sutka ərzində təyin olunur. 50 kq-dan böyük uşaqlarda sutkalıq doza böyüklərdə təyin olunan standart rejim dozasıdır.

Qeyd:  Venadaxili inyeksiya üçün Labilex kalsiumsuz (0.9% NaCl, 5% qlükoza, 10% qlükoza və digərləri) məhlulda həll edilir.


Buraxılış forması:
Labilex 0,5 q  №1 flakon, instruksiya və 2 ml həlledici ilə birlikdə karton qutuda.
Labilex 1 q № 1 flakon, instruksiya və 3,5 ml həlledici ilə birlikdə karton qutuda.

 

İstehsalçı: Medimpex - ALMANİYA