KEFENTEK (transdermal plastr)
Tərkibi:
Aktiv maddə: 1 plastrın tərkibində 30 mq ketoprofen var;
Köməkçi maddələr: duru parafin, izopropilmiristat, kopolimer alkilakrilat, vinilasetat, tokoforol asetat, qatı qliserin, susuz etanol. Köməkçi maddələr toxuma səthin üzərinə yaxılıb.
Framakoterapevtik qrup: İltihabəleyhinə və antirevmatik vasitə. Propion turşusunun preparatları. Ketoprofen.
ATC kodu: M01A E03
Təsviri: Toxuma əsasında hazırlanmış plastrın səthinə rəngsiz şəffaf pasta yaxılıb; qoruyucu polimer örtük ilə əhatə olunub.
Farmakoloji xüsusiyyətləri:
Ketoprofen – qeyri steroid iltihab əleyhinə (QSİƏ) maddə olub, iltihabəleyhinə, hərarətsalıcı və ağrıkəsici təsirlərə malikdir. Ketoprofen digər QSİƏ dərmanlar kimi (xüsusilə aril propion turşusu qrupuna aid olan dərmanlar) sümük rezorbsiyasında effektiv depressorlar hesab olunurlar.
Təsir mexanizmi zədələnmiş hüceyrələrdən və qığırdağabənzər toxumadan ayrılan kimyəvi mediatorların sintezində iştirak edən siklooksigenazanı geridönməyən ingibə etməsinə əsaslanır.
Plastır dəriyə yapışdırıldıqda ketoprofen tez absorbsiya olunur. Daha dərin toxumalara ümumi qan təchizatı vasitəsilə nüfuz edir. Plazma zülalları ilə 99.1% birləşir. Ketoprofenin plastr şəklində təyini zamanı oral formada qəbulu ilə müqayisədə dərmanın ümumi biomənimsəməsi 10%-dən çox olmayıb. Plastr şəklində istifadəsi zamanı ketoprofenin plazmatik konsentrasiyası 120 mq/ml miqdarında 24 saat ərzində saxlanılır.
Ketoprofen öd və sidiklə xaric olur. Ketoprofen əsasən qlükuronoidlərin renal ekskresiyası yolu ilə eliminasiya olunur.
İstifadəsinə göstərişlər:
Osteoartrit (o cümlədən revmatoidli artrit), yumşaq toxumaların zədələnmələri (yumşaq toxumaların travmatik zədələnmələri, kontuziyalar, idmanla məşğul olan zaman kəskin zədələnmlər), yerli xroniki iltihabi xəstəliklərlə (peri- və ekstraoynaq revmatoloji xəstəliklər) əlaqədar olan ağrılar, skelet-əzələ ağrıları və ya miofassial sindrom.
Əks göstərişlər:
Plastrın tərkibində olan aktiv və köməkçi maddələrdən hər hansı birinə və ya digər QSİƏ dərmanlara yüksək həssaslığı olan xəstələr tərəfindən istifadə edilməməlidir.
Xüsusi göstərişlər:
Plastrı zədəli nahiyəyə (açıq yaralar) və ya ekzematoz dəriyə yapışdırmaq olmaz. Plastr selikli qişalar üçün nəzərdə tutulmayıb.
Nəqliyyat vasitəsi və potensial təhlükəli mexanizmlərin idarə edilməsi qabiliyyətinə təsiri: Heç bir təsir göstərmir.
Hamiləlik və laktasiya zamanı istifadəsi: İstifadəsi məsləhət deyil.
Uşaqlarda istifadəsi: Müvafiq araşdırmalar aparılmamasına baxmayaraq, plastrın 7 yaşına qədər uşaqlara təyini məsləhət deyil.
Qaraciyər zədələnmələri zamanı istifadəsi: Bu sahə üzrə tədqiqatlar aparılmamışdır.
Böyrək çatışmazlığı zamanı istifadəsi:
Kəskin böyrək zədələnmələri zamanı Kefentek plastrın istifadəsi ketoprofenin prostaqlandinlərin sintezini ingibə etməsi ilə əlaqədar olaraq böyrəklərin funksiyalarının pozulması, o cümlədən qlomerulyar filtrasiya sürətinin azalması kimi halların baş verməsinə səbəb ola bilər. Uzunmüddətli müalicələr zamanı belə xəstələr müntəzəm olaraq müayinə edilməlidirlər.
İstifadə qaydası və dozalanma:
Plastr gün ərzində 2 dəfə (səhər və axşam) istifadə edilir. Tövsiyə edilən müalicə müddəti bir neçə gündən 2 aya qədərdir. Köməkçi terapiya məqsədilə Kefentek oral QSİƏ preparatlarla birgə təyin edilə bilər.
Doza həddinin aşılması: Bu kimi hallar qeydə alınmayıb.
Əlavə təsirlər:
Uzunmüddətli istifadə ediləndə qarın nahiyəsində ağrı, baş ağrısı, dispepsiya, fotosensibilizasiya, dəridə səpgilər, qaşınma kimi əlamətlər müşahidə edilə bilər.
Digər dərman vasitələri ilə qarşılıqlı təsiri: Kefentek plastrı digər QSİƏ dərmanlarla birgə istifadə edilə bilər.
Yararlılıq müddəti: 3 il.
Saxlanılma şəraiti: İşıqdan düşməyən yerdə, temperaturu 25˚C-dən yuxarı olmayan şəraitdə saxlanılmalıdır. Uşaqların əli çatmayan yerdə saxlanılmalıdır
Buraxılış forması: Hər katron qutuda 1 paket. Hər paketdə 7 plastr.
Aptekdən buraxılma şərti: Reseptsiz buraxılir.
İstehsalçı: Jeil Pharmaceutical Co Ltd, Seoul, Korea for BRUPHARMEXPORT s.p.r.l. 14 rue de la Grotte, 1020 Brussels, Belgium.